Urdu Newsلاہور (جاوید اقبال) – سابق وزیراعظم عمران خان کی بہن نورین نیازی کو سینے میں شدید درد اور سانس لینے میں دشواری کے باعث بدھ کی شام لاہور جیل سے پنجاب انسٹی ٹیوٹ آف کارڈیالوجی منتقل کر دیا گیا ہے۔ ہسپتال میں ڈاکٹرز ان کے ممکنہ ہارٹ اٹیک کی جانچ کر رہے ہیں۔
حفیظ اللہ نیازی کی اہلیہ نورین نیازی کو شام 6 بج کر 51 منٹ پر سخت سکیورٹی اور نگرانی میں پنجاب انسٹی ٹیوٹ آف کارڈیالوجی کے ایمرجنسی وارڈ میں لایا گیا۔ ہسپتال ذرائع کے مطابق، ان کی حالت تشویشناک بتائی جا رہی ہے اور ڈاکٹرز کی ایک ٹیم ان کا مکمل طبی معائنہ کر رہی ہے۔
ڈاکٹروں نے نورین نیازی کے دل کی تفصیلی جانچ شروع کر دی ہے جس میں ای سی جی، بلڈ ٹیسٹ اور دیگر ضروری معائنے شامل ہیں۔ ابتدائی رپورٹس کا انتظار ہے تاکہ ان کی صحت کی اصل صورتحال واضح ہو سکے۔ یہ پیش رفت ایسے وقت میں سامنے آئی ہے جب وہ لاہور جیل میں زیر حراست تھیں۔
