خیبر پختونخوا میں آئی بی اوز: 21 بھارت نواز دہشت گرد ہلاک، چار سرغنہ بھی شامل، آئی ایس پی آر

پاک فوج کے شعبہ تعلقات عامہ (آئی ایس پی آر) نے اعلان کیا ہے کہ خیبر پختونخوا (کے پی) میں انٹیلی جنس بیسڈ آپریشنز (آئی بی اوز) کے دوران بھارت کی حمایت یافتہ 21 دہشت گرد ہلاک کر دیے گئے ہیں۔ ہلاک ہونے والوں میں چار سرغنہ بھی شامل ہیں۔

آئی ایس پی آر کے مطابق، یہ آپریشنز شمالی وزیرستان میں دہشت گردوں کے متعدد ٹھکانوں کو نشانہ بناتے ہوئے کیے گئے۔ ان ہلاک ہونے والے دہشت گردوں میں ایک اہم کمانڈر خالد رضا عرف سالار بھی شامل ہے، جو سکیورٹی فورسز کو مطلوب تھا۔

ہلاک ہونے والے دہشت گرد سکیورٹی فورسز اور عام شہریوں پر حملوں میں ملوث تھے۔ آئی ایس پی آر نے مزید بتایا کہ ان کامیاب آپریشنز سے علاقے میں دہشت گردی کے نیٹ ورک کو شدید نقصان پہنچا ہے اور امن و امان کی صورتحال کو بہتر بنانے میں مدد ملے گی۔