Urdu Newsدبئی – متحدہ عرب امارات میں مقیم پاکستانیوں کے لیے پاسپورٹ کی نئی فیسوں کا اعلان کر دیا گیا ہے، جو 145 درہم سے 635 درہم تک ہوں گی۔ یہ نئی فیسیں 5 سالہ ای-پاسپورٹس اور 10 سالہ مشین ریڈ ایبل پاسپورٹس دونوں پر لاگو ہوں گی۔
پاکستانی سفارت خانے نے فیسوں کا یہ نظرثانی شدہ شیڈول جاری کیا ہے، جس کے مطابق تمام ادائیگیاں متحدہ عرب امارات کے درہم میں کی جائیں گی۔ پاسپورٹ کی یہ فیسیں صفحات کی تعداد، پاسپورٹ کی مدت میعاد (ویلیڈیٹی) اور دیگر عوامل کے لحاظ سے مختلف ہوں گی۔
یہ اقدام متحدہ عرب امارات میں مقیم ہزاروں پاکستانیوں کے لیے اہم ہے جو اپنے پاسپورٹ کی تجدید یا نئے پاسپورٹ کے حصول کے خواہاں ہیں۔ سفارت خانے نے تمام متعلقہ افراد کو ہدایت کی ہے کہ وہ اپنی ضروریات کے مطابق فیسوں کی تفصیلات جاننے کے لیے سفارت خانے کی ویب سائٹ یا متعلقہ قونصلر سیکشن سے رجوع کریں۔
