Urdu Newsاسلام آباد (ویب ڈیسک) – پاکستان کی معروف اسکواش کھلاڑی ثناء بہادر نے آسٹریلیا کے شہر میلبورن میں منعقدہ ایک اسکواش ٹورنامنٹ جیت کر ملک کا نام روشن کر دیا ہے۔ انہوں نے اس ایونٹ میں پاکستان کی نمائندگی کی اور فائنل میں اپنی شاندار کارکردگی سے سب کو متاثر کیا۔
فائنل میچ میں ثناء بہادر نے آسٹریلیا کی مقامی کھلاڑی ریچل گرینا کو سخت مقابلے کے بعد 1-3 سے شکست دے کر ٹائٹل اپنے نام کیا۔ ان کی یہ فتح پاکستان کے لیے ایک بڑا اعزاز ہے اور بین الاقوامی سطح پر اسکواش کے میدان میں پاکستانی کھلاڑیوں کی صلاحیتوں کا منہ بولتا ثبوت ہے۔
میلبورن میں منعقد ہونے والے اس ٹورنامنٹ کی کل انعامی رقم 3,000 امریکی ڈالر تھی۔ ثناء بہادر کی یہ کامیابی نہ صرف ان کے لیے بلکہ پاکستان میں اسکواش کے کھیل کے لیے بھی ایک مثبت پیغام ہے اور یہ نوجوان کھلاڑیوں کے لیے ایک تحریک کا باعث بنے گی۔
