گلگت بلتستان میں چار آزاد ارکان کی علیم خان کی آئی پی پی میں شمولیت

گلگت: (16 جون 2026) گلگت بلتستان اسمبلی کے چار آزاد ارکان نے استحکام پاکستان پارٹی (IPP) میں شمولیت اختیار کر لی ہے۔ وفاقی وزیر اور استحکام پاکستان پارٹی کے صدر عبدالعلیم خان نے گلگت میں نئے شامل ہونے والے اراکین کے ساتھ ملاقات کی اور انہیں پارٹی میں خوش آمدید کہا۔

پارٹی میں شامل ہونے والے اراکین میں جی بی اے-23 گھانچے-2 سے انور علی، جی بی اے-24 گھانچے-3 سے اسد شفیق، محمد دلپذیر اور امان علی شامل ہیں۔ ان اراکین نے عبدالعلیم خان کی قیادت پر مکمل اعتماد کا اظہار کرتے ہوئے استحکام پاکستان پارٹی کا حصہ بننے کا فیصلہ کیا۔

اس شمولیت سے گلگت بلتستان میں استحکام پاکستان پارٹی کی پوزیشن مزید مضبوط ہو گئی ہے۔ عبدالعلیم خان نے نئے شامل ہونے والے اراکین کو مبارکباد پیش کی اور امید ظاہر کی کہ وہ خطے کی ترقی اور عوام کی فلاح و بہبود کے لیے بھرپور کردار ادا کریں گے۔