Urdu Newsاسلام آباد، لاہور اور خیبر پختونخوا کے مختلف حصوں میں 5.3 شدت کے زلزلے کے جھٹکے محسوس کیے گئے، جس سے شہریوں میں خوف و ہراس پھیل گیا۔ زلزلے کے جھٹکے اتنے شدید تھے کہ لوگ اپنے گھروں اور دفاتر سے باہر نکل آئے، تاہم فوری طور پر کسی جانی یا مالی نقصان کی اطلاع نہیں ملی۔
نیشنل سیسمک مانیٹرنگ سینٹر (NSMC) کے مطابق، زلزلے کا مرکز 174 کلومیٹر کی گہرائی میں تھا۔ خیبر پختونخوا کے جن علاقوں میں زلزلے کے جھٹکے محسوس کیے گئے ان میں پشاور، سوات، شانگلہ، بونیر اور لوئر دیر شامل ہیں۔
حکام نے صورتحال پر نظر رکھنے کی یقین دہانی کرائی ہے اور شہریوں کو پرسکون رہنے کی ہدایت کی ہے۔ زلزلے کے بعد کسی بھی ہنگامی صورتحال سے نمٹنے کے لیے امدادی ٹیمیں تیار رہنے کی ہدایات جاری کر دی گئی ہیں۔
