Urdu News
لندن: پاکستان کے سابق بین الاقوامی کرکٹر اور موجودہ قومی ٹیم کے ہیڈ کوچ عاقب جاوید کی صاحبزادی عقبہ عاقب برطانیہ میں رشتہ ازدواج میں منسلک ہو گئی ہیں۔ اس خوشی کے موقع پر عاقب جاوید کے اہل خانہ اور قریبی دوست احباب موجود تھے۔
شادی کی یہ خوبصورت تصاویر عاقب جاوید کی اہلیہ، جو خود ایک معروف شاعرہ اور مصنفہ ہیں، فرزانہ عاقب نے اپنے فیس بک پیج پر شیئر کیں۔ ان تصاویر میں عقبہ عاقب کو سفید لباس میں ملبوس دیکھا جا سکتا ہے، جو ان کی خوبصورتی کو مزید چار چاند لگا رہا تھا۔
سوشل میڈیا پر ان تصاویر کے وائرل ہوتے ہی مداحوں اور فالوورز کی جانب سے مبارکباد کا سلسلہ شروع ہو گیا ہے۔ صارفین نے عقبہ عاقب اور ان کے شوہر کے لیے نیک تمناؤں کا اظہار کیا اور ان کی نئی زندگی کے لیے دعائیں دیں۔ یہ تقریب نجی نوعیت کی تھی جس میں صرف قریبی افراد نے شرکت کی۔
