Urdu News
کراچی: شارجہ سے کراچی آنے والا ایک نجی کارگو طیارہ کراچی کے قریب لاپتہ ہو گیا ہے، جس کی تصدیق ایوی ایشن حکام نے کر دی ہے۔ ذرائع کے مطابق، کے ٹو ایئر لائنز کا بوئنگ 737 طیارہ، جو سامان لے کر آ رہا تھا، گزشتہ روز اورماڑا کے ساحلی علاقے کے قریب سمندر پر پرواز کے دوران ریڈار سے غائب ہو گیا۔
سول ایوی ایشن اتھارٹی (سی اے اے) کے ذرائع نے بتایا کہ طیارے کا آخری رابطہ اورماڑا کے قریب ہوا تھا، جس کے بعد اس سے تمام رابطہ منقطع ہو گیا۔ طیارے میں عملے کے کتنے ارکان سوار تھے، اس بارے میں فوری طور پر کوئی تفصیلات سامنے نہیں آئیں۔ یہ طیارہ شارجہ سے پرواز بھر کر کراچی کے جناح انٹرنیشنل ایئرپورٹ پر اترنے والا تھا۔
طیارے کی گمشدگی کی اطلاع ملتے ہی پاک بحریہ اور میری ٹائم سیکیورٹی ایجنسی نے لاپتہ طیارے اور اس کے عملے کی تلاش کے لیے وسیع پیمانے پر سرچ اینڈ ریسکیو آپریشن شروع کر دیا ہے۔ حکام کا کہنا ہے کہ سمندر میں طیارے کے ممکنہ ملبے کی تلاش جاری ہے اور تمام دستیاب وسائل بروئے کار لائے جا رہے ہیں۔ حادثے کی وجوہات جاننے کے لیے تحقیقات کا آغاز بھی کر دیا گیا ہے۔
